Laugarren egonaldi honetan ere, lehenengo pausuak eman ondoren, hau da, gizarte-heziketa kontratua sinatu eta osatutako taldearekin prestatze-ekintzak burutu ondoren, gazte eta hezitzaileak Pasaia Donibanen elkartu ziren hemendik Jaizkibelerantz abiatzeko. Beste egonaldietan ez bezala, oraingoan Hondarribiarantz joan behar zuten, eta bertan amaitu. Oraingoan, ibilbidea eta ibiltzea berak izango ziren bete beharreko lana. Pasaiatik Hondarribirainoko ibilbide bat balizatu, koordenada eta mapa bidez markatu eta argazki, grabaketa, bideo zein idatzien bidez dokumentatu behar zuten, guzti hau gazteen ikuspegitik noski. Gerora beraiek burututako lana interneten bidez ikusteko aukera izango da eta nahi duenak erabilgarri izango du gida hau.
Lan guzti hau batik bat goizetan burutzen zuten, gehienez arratsaldez jasotakoaren antolaketa egiten zen, baina arratsaldetan arrantza, bainua, esnorkel-a, jolasak, denbora pasa eta artearekin lotutako sormen jardueraren bat egin zuten. Oraingo honetan, arteari denbora gutxiago eskaini zaio, berez gida ekoizpen bat badelako eta hemen metatu direlako ahalegin gehienak.
Lehenengo egun euritsu eta gogorra gainditu eta gero, ondorengo egunetan eguzki eta bero etengabeak izan genituen, berotuta baina naturaz hobeto aukera ahalbidetu zigun. Nahiz eta ibilbidea sekula baino gogorragoa izan, egin beharrak distraitu eta eramangarriagoak bihurtzen zituen etapak.