Bosgarren egonaldi hau berezia izan da, izan duen mugazgaindiko izaeragatik. “Lazos-Liens-Loturak” (Poctefa) proiektuaren baitan, Gipuzkoako, Nafarroako, Arabako eta Pirinio Atlantikoko gazteei haustura egonaldi honetan partehartzeko eskaintza zabaldu bai zaie. Azkenik, Gipuzkoa, Nafarroa eta Arabako 8 gaztek parte hartu dute egonaldi honetan. Lehenengo pausuak eman ondoren (elkarrizketak burutu, hautagaien aukeraketa egin, gizarte-heziketa kontratua sinatu, erosketak egin eta taldearekin prestaketa-ekintzak burutu), Irungo tren geltokitik Jaizkibelerantz abiatu ginen zortzi gazte eta bi hezitzaileak.
Goizetan burutu beharreko lana, Hondarribiako ingurugiro zinegotziarekin itzartutakoaren arabera, kala edo itsasertzetako garbiketa (20 zabor poltsa industrial baino gehiago jaso ziren) eta bidexken garbiketa izan da. Arratsaldetan berriz, arrantza, bainua, urpekaritza, jolasak, etab., egiteko aprobetxatzen genuen. Alor artistikoa, arrantzarako tresnak sortzera bideratu da batik bat.
Egonaldi honetan, talde dinamika oso aberatsa eta interesgarria izan da, kontutan hartuta partaide kopurua, jendetsuena izatean, elkarrekintza gehiago ahalbidetu ditu.
Bestalde, lehenengo goiz euritsua kenduta, oso eguraldi eguzkitsua izan dugu, aisialdirako ekintzak , batipat uretakoak, eta paisaiaren zein lurraldearen gozamena errazten zuen heinean, lanerako eta ibiltzeko uneak gogortuz.